स्पंदन
******
मृदुंग वाजत आहे तबला घुमत आहे
स्पंदनात अवघ्या या
मी मला पाहत आहे .
टाळांचा खणखणात
कानात दाटत आहे
टाळ्यांचा दुमदुमणे
छातीत घुसत आहे .
हा देह मातीचा अन
आकाशी विरत आहे
तरंगातून स्वरांच्या
चौफेर उधळत आहे
एक स्पंदन शून्यसे
मला गवसत आहे
आतून वा बाहेरून
दार ठोठावत आहे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा