*****
मावळणे मनाचे या मनास पटत नाही
रंग पश्चिमेचे मंद उरी उतरत नाही
वाटा डोळ्यातल्या त्या डोळ्यास भेटत नाही
अन् भटकणे खुळे थांबता थांबत नाही
ती सांज सागरतीरी मुळीच सरत नाही
चित्र गोठलेले जुने आकाश पुसत नाही
सारेच चांदणे नभीचे नभ उधळत नाही
अन कोसळत्या उल्के त्या नाव असत नाही
व्यवहार जगाचे या जगास सुटत नाही
मूल्य हृदयाचे अन कोणास कळत नाही
होते येरझार तरी जाणीव सुटत नाही
आस असण्याची अन् मिटता मिटत नाही
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा