येई आता
*******
दिलेस जगणे हे मज दत्ता काय ते हाता होते माझ्या ॥१
कुठे कसा अन् काय मी होतो
जरी न जाणतो दयाघना ॥२
तूच उचलले गगनी ठेवले
लाड पुरविले जगती या ॥३
परि ती खेळणी मजला देऊन
ठेवीसी रिझवून दूरवरी ॥ ४
खेळ उमजला हा आता मजला
बहुत चालला जगती या ॥ ५
थांबव सारे अन तू येरे
उचलुनि ने रे मज आता ॥ ६
जगतो विक्रांत तुज आठवत
येई अवधूत दत्तात्रेया ॥ ७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्या नाहीत:
टिप्पणी पोस्ट करा