*बालगणेश *
मंदाराच्या बुंध्यावर
कोण बाई बसला ग
गणपती पार्वतीचा
सांगा कुणा दिसला
ग
गोल मोठे पोट तरी
पोर किती चपळ ग
मोदकाची पुरचुंडी
घेऊनिया चढला ग
सोबतीला इटुकला
मूषकराज आला ग
गुळखोबरे खावूनी
सेवेलागी सजला ग
पाय हालवी जोराने
वृक्ष दुमदुमला ग
वारा घालीत
कानाने
करितो दाणादाण ग
गज ध्वनी करुनिया
मित्रा करी व्याकूळ
ग
उतरुनी तया मग
भरवी गोड खाऊ ग
हसूनिया पार्वती
त्या
घेई प्रेमे जवळ ग
कौतुकाने देखे
देव
आनंदाचा सुकाळ ग
डॉ.विक्रांत
प्रभाकर तिकोणे
http;//kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा