बुधवार, ६ सप्टेंबर, २०१७

दत्ते नादावले



दत्ते नादावले
वाया घालवले
ईह दुरावले
वेडेपणी

गोळा करी पदे
शोधून शोधून
प्रेमाने गायन
मग करी

भिकेची ती झोळी  
प्रिय वाटे भारी
वस्त्र दिगंबरी
घ्यावे  वाटे

देहा लागो राख
मन सोडो लाग
दत्तात्रेय राग
प्रिय जीवा

सुटो नाव गाव
हटो धन मान
नित्य निरंजन  
कळो वाटे

विक्रांत फसला
जगास वाटला  
उलटा फिरला
कृपाफळे

डॉ.विक्रांत प्रभाकर तिकोणे
http;//kavitesathikavita.blogspot.in


कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...