गुरू दान
.**
आधी करि रिते
पात्र तव सारे
तरीच ते भरे
गुरुकृपेने
घासूनपुसून
आतील काढून
जाता ते वाढून
ज्ञान देती
अन्यथा दिले ते
निरर्थ होईन
जाईल नासून
मूर्खपणे
करी सारी कोरी
तुच तुझी पाटी
तरी ते लिहती
नवे काही
आनिक दुसरा
इलाज तो नाही
गुरुपुढे जाई
पूर्ण रिता
विक्रांते जाणला
अर्थ शब्दातला
अवघा गळाला
अहंभाव
©डॉ.विक्रांत प्रभाकर तिकोणे
कोणत्याही टिप्पण्या नाहीत:
टिप्पणी पोस्ट करा