दत्त भास
****::
माझिया घरात
काय करतोस
इकडे तिकडे
का रे फिरतोस ॥
माझिया दारात
का रे थांबतोस
कुणाचा कशाला
पहारा देतोस ॥
ऐसे तुझे भास
भास नव्हे खास
करूनिया घेसी
कृपाळू का त्रास ॥
नको बाबा ऐसा
उगा कष्ट झेलु
सांभाळशी दत्ता
मज आले कळू ॥
तुझिया पदाची
झालो असे धूळ
यानेच माझे हे
जगणे सफळ ॥
तुझी सेवा घडो
तुझे प्रेम जडो
तव प्रेम मनी
सदोदित वाढो॥
चित्तात वावर
साधनी सावर
विक्रांता भक्तीचा
फक्त देई वर ॥
©@डॉ.विक्रांतप्रभाकरतिकोणे https://kavitesathikavita.bloggspot.com
***
कोणत्याही टिप्पण्‍या नाहीत:
टिप्पणी पोस्ट करा