मागणे
*******
अहंकार भंग करी देवा तुच एकदंता ॥
देह बुद्धी नको आता मागणे हे वक्रतुंडा
संत संग देई सदा सांगणे हे शिवसुता॥
काम क्रोध वारुनिया शुद्ध करा भालचंद्रा
मोह लोभ मत्सरादी गिळून घ्या लंबोदरा ॥
प्रीत तुझी लाभू दे रे सदोदित गजवक्रा
तारी मज संकटात तू सदा विघ्न राजेंद्रा ॥
कालभय नको आता वारी वारी गजानना
पाप ताप भय चिंता दूर करी धूम्रवर्णा ॥
सर्व काळी सर्व ठाई विघ्नहर्ता तुच देवा
भयास भय दाखवी रुप तुझे विकटमेवा ॥
चिंतामणी नाव तुझे सार्थ असे गणपती
मागतो मी ज्ञान भक्ती विनायका तुजप्रती ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
