पदस्पर्श
*******
तुझ्या पायावरी ठेवीला मी माथा अजूनही खरे न वाटते या चित्ता
रुजुनिया स्पर्श हुळहुळे भाल
स्तब्ध झाले मन यंत्रवत चाल
अगा त्या पदात स्पर्श ज्ञानदेव
तुकाराम एकनाथ नामदेव
आणिक कित्येक संत भागवत
अनंत भाविक कोटी कोटी भक्त
जुळलो तयांशी एकतान होत
सुख दाटूनिया आले अंतरात
साऱ्या पंढरीत झालो भाग्यवंत
लोटली रे युगे एका त्या क्षणात
विक्रांत कृतार्थ भेटली पावुले
पंढरीचे सुख मज कळू आले
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा