गिरनार वादळ
***********
वारा बेभान
डोंगरी
येई खोल दरीतून
देह थरारे
हिवाने
जातो वाटतो उडून
वस्त्र फडाडे तनुचे
जैसा ध्वज की स्तंभाला
कुणी लोटतो धरतो
वाटे जणू पावुलाला
आत वादळ भक्तीचे
घोष दत्ताचा चालला
येई डोळ्यातून सरि
मनी आकांत वाढला
आता बाहेरी हा असा
धुंद गोंधळ माजला
वाट गिरणारी ओली
खेळ धुक्यात चालला
बाप दत्तात्रेय माझा
वाट पाहतो शिखरी
झालो अधीर वाहण्या
वेडे शिर पायांवरी
म्हणे विक्रांत वादळा
नको करूस गमजा
पंचभूतांचा तो स्वामी
आहे गिरनारी माझा
.
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा