कृष्ण आला
*********
पहाटेच्या पारी
कृष्ण आला दारी
सखा आला घरी
केली त्यानी चोरी ॥
निजलेले होते
स्वप्न सजलेले
चोरीयले भान
ध्यानी भरियले॥
घरदार नेले
नेली पोर बाळी
नवरा नणंद
नेली एक सरी ॥
लुटले गं बाई
आले रस्त्यावर
सावळ्या भ्रमात
झाले वेडी पार ॥
एकुलीच आता
एकुल्या मनात
एकुलिये जग
एकुल्या पणात ॥
गवळण मनी
काठोकाठ कृष्ण
विक्रांत भरून
सुखावला
.
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा