धुनी
***
दत्ता माझ्या जीवनाची
व्हावी एक धन्य धुनी
चटचट जळतांना
दत्त शब्द यावे मनी
काम क्रोध लोभ सारे
जळून या खाक व्हावे
आत्मप्रकाशात दिठी
विश्व सारे तुच व्हावे
जळतांना जनासाठी
सुख जळो लाख वाती
सभोवर उबेसाठी
भक्तांची रे व्हावी दाटी
चिमट्याचे अशीष ते
सदोदित पडो डोई
विझणाऱ्या जाणिवेस
जाग एक टक देई
विश्वाचे या भान मग
माझा क्षणक्षणा
होवो
विक्रांत हे नाव गाव
दत्ता हरवून जावो
*
डॉ.विक्रांत प्रभाकर
तिकोणे
http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा