शनिवार, १७ ऑगस्ट, २०१९

राधा




राधा

हसतील तुला सारे
नको तयाकडे पाहू
जग नियमांचे वेढे
नको मनावरी घेवू

प्रीत केली राधिके तू
नाकारुनी जगता या
कटू बोल शब्द त्यांचे
नको कानावरी घेवू

लाभलीस कृष्ण प्रीती
भाग्याचीच तू ग राणी
काय आले गेले हाती
तू नकोस कधी पाहू

दे धार्ष्ट तुझे सखये
आवेग मम मनाला
मी आलो शरण तुला
तू  नकोस दूर लोटू

डॉ.विक्रांत प्रभाकर तिकोने
http://kavitesathikavita.blogspot.in

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळ्यामधले  स्वप्ना  लंघुनी स्वप्न उरले ॥१ नभात लक्ष दीप उजळले  चांदण्याचे तोरण झाले ॥२ कणा...