नाते अवधुती
********
दत्त माझिया मनात
होय आनंद आकाश
कण कण उजळून
भरे सोन्याचा प्रकाश
दत्त माझिया गीतात
होय शब्द अलवार
काव्य सजल्या किनारी
भाव भावना लहर
दत्त श्वासात हळूच
येई सुगंध होवून
दरवळून चाफ्याने
जाते अंगण
दत्त पाहण्यास जाता
उणा कुठे तो नुरतो
चिंब भरून डोळ्यात
गर्द आषाढच होतो
माझे पुसुन अस्तित्व
दत्त पदा मी नमितो
गूढ दत्ततत्व अर्थ
माझ्या मनी उजळतो
नाते अवधुती माझे
बहू जन्माचे कळतो
ओढ अनाम उत्सुक
दर्या पुनवेचा होतो
डॉ.विक्रांत
प्रभाकर तिकोणे
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा