काफीरकी

काफीरकी

********

                     

कासया मी जाउ 

आता कुण्या दारी 

भार तुजवरी 

दत्तात्रया

होवो माझे भले 

होवो नच जरी 

जातो ना माघारी 

येथूनिया

तुझ्या दारी नाही 

असे जगी काही 

दिसत ते नाही 

मज दत्ता

जरी का उपाशी 

राहिलो मी इथे 

मिळणार कुठे 

काही नाही

सरली ही कथा 

माझ्या यातनांची 

आता कृपा तुझी 

खरी ठरो

अन्यथा होईल 

जगात नाचक्की 

व्यर्थ काफीरकी 

केली ऐसी

विक्रांत दारात 

तुझिया कुतरे 

तुकड्या लाचारे

दीन उभे

.                         

© डॉ..विक्रांत प्रभाकर तिकोणे
http://kavitesathikavita.blogspot.in