नर्मदा तीरी
*********
असतील तर असोत सोबती नसतील तर नसोत सोबती
सुटत असता जीवन गाठी
देह असावा नर्मदे काठी
असली तर असु देत मुक्ती
नसली तर नसू देत मुक्ती
तिच्या प्रेममयी तीरा वरती
जन्मोजन्मी घडावी वस्ती
तसे फार नच मागणे मोठे
कधी जायचे ते ठरले असते
पण हट्ट धरता आई ऐकते
नियमालाही मुरड घालते
रोज रोज ते करी तुण तुणे
रोज रोज मी मागे मागणे
तुझ्या तीरावर घडो जगणे
तुझ्या तीरावर देह सुटणे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्‍या नाहीत:
टिप्पणी पोस्ट करा