खूण
****
मनाच्या कपाटी जपून ठेवलाबंद कुलुपात कुणा न दाविला ॥
तोच तो राजस सुंदर चेहरा
अति मनोहर लोभस हसरा ॥
कुणी ग चोरला कुणी ग लुटला
होता जन्मभर खजिना जपला ॥
जाऊन गुरूला वृत्तांत वदला
वंदून पदाला उपाय पुसला ॥
तोच ग अंतरी प्रकाश दाटला
सखा सर्वव्यापी सर्वत्र दिसला ॥
देई ज्ञानदेव खुण ती मजला
भ्रांतीत पडला जीव सुखावला ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा