रंग
****
एक माझा रंग आहे रंग माझा मळलेला
लाल माती चढलेला
भगव्यात गढलेला ॥
आत एक धिंगा चाले
मन एकांतात रंगे
घरदार अवधूत
स्वप्न झोळीतील जागे ॥
लाख लाटा प्रवाहात
कल्लोळ नि दाटलेला
कणोकणी नाद तोच
माझेपण मिटलेला ॥
तोच रंग तोच गंध
दत्त सखा खेळे संग
तन मन सुटलेले
वाट पावुलात दंग ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा