घेई सोबती
********
कंटाळून जगताला म्हणे विक्रांत दत्ताला
का हो टाकले मजला
ऐश्या या भोगवट्याला
तुम्ही घेतले ते छान
एक कौपीन ओढून
आणि संसार चिंध्यांचा
मजला दिला बांधून
बरी ठेवली सोबती
चार श्वानांची संगत
आणि ठेवले मजला
या जगताशी भांडत
करी कौतुक भिक्षेचे
स्कंधी झोळीस बांधून
पण मज गुंतविले
गळा बांधून दावण
काय देवा सांगा दीना
ठकविणे बरे असे
घेई सोबती मजला
अन्य मागणे ते नसे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्‍या नाहीत:
टिप्पणी पोस्ट करा