पुणे शहर
*******
सरले मिटले काल पुजियले माथी मिरवले मातब्बर ॥
जुनाट वाड्यांच्या काल झाल्या चाळी
इमारत ओळी आज उभ्या ॥
नाव गाव गेले बखरी लिहिले
पराक्रमी झाले कारकून ॥
कुणाच्या रक्ताने कोण राजे झाले
ऐश्वर्ये वाढले होते कोण ॥
अजून चालती फुटलेली नाणी
कुण्या पूर्वजांनी वेचलेली ॥
चार गुंठियाचे चार कोट झाले
पूर्वज पावले अनेकांना ॥
चाले गजबज पुराण शहरी
शेजारी पाजारी हरवले ॥
काळाची पाऊले कुणाला कळती
घडती मोडती किती जग ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा