दत्त. दत्तात्रेय लेबल असलेली पोस्ट दाखवित आहे. सर्व पोस्ट्‍स दर्शवा
दत्त. दत्तात्रेय लेबल असलेली पोस्ट दाखवित आहे. सर्व पोस्ट्‍स दर्शवा

रविवार, १५ डिसेंबर, २०२४

सखा गिरनारी

सखा गिरनारी 
***********

माझा जिवलग सखा गिरनारी 
हृदया माझारी नित्य वसो ॥१

बहु भाग्यवान आलो तया दारी
पुन्हा या संसारी पडू नये ॥२

जगावया देह घडो काही काज  
कानी पडो गाज दिगंबर ॥३

मग मी दातारा उलट प्रवासी 
वाचून सायासी जाईल रे ॥४

विक्रांता जगती दत्त पायावरी
राहो जन्मभरी मागणे हे  ॥५

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  
☘☘☘☘ 🕉️ .

रविवार, ८ डिसेंबर, २०२४

दत्त कृपेनी

दत्त कृपेनी
********
माझ्या असण्याचे भान जगण्याचे 
सार जाणिवेचे दिसू दे रे ॥

संत वचनात सत्य निर्देशित 
उरात किंचित स्फुरु देरे ॥

मनास कळावे स्वरूप आपले 
धूके दाटलेले विरू दे रे ॥

ज्ञानी सदोहर भेटतात आप्त 
दावतात वाट कळू दे रे ॥

श्री दत्त दिसूनी हर्षित होवूनी
मजला कृपेनी भरू दे रे ॥

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  
☘☘☘☘ 🕉️ .

रिक्तत्ता

रिक्तत्ता ******* क्षणा क्षणाने कळल्या वाचूनी आयुष्य येते ऋतू घेवूनी  हसवून रडवून चोरपावलांनी रंग खेळूनी जाते उलटुनी  काय कमावल...