पुन्हा एकदा
*********
पुन्हा एकदा आकाशचांदण्यांनी भरून गेले
पुन्हा अनाम सुखाने
मन बहरून गेले ॥
तेच स्थळ तीच भेट
देहातील आवेग थेट
पुन्हा एकदा उधाण
जीवास उधळून गेले ॥
हिंडलो मी रानमाळी
गिरीशिखर धुंडाळले
सौख्य त्या क्षणाचे मज
आज इथे मिळून गेले ॥
नव्हतोच तेव्हा मी
नव्हतेच जग राहिले
अस्तित्व हे आणलेले
तुझ्यात हरवून गेले ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा