दिवाळीचे लेणे

दिवाळीचे लेणे

************

दत्त प्रकाशाचे गाणे 

सण दिवाळीचे लेणे

खुले आकाशात तेज 

हे तो अवसेचे देणे ॥

दीप प्रत्येक दारात 

आहे चैतन्य खेळत 

त्याचे आशिष थोरले 

घरा घरात तेवत ॥

दत्त रोषणाई दिव्य 

डोळे मिटता दिसते 

कणकणात फटाके 

कोण कळेना लावते ॥

रूप मनात धरले 

किती अंगानी नटले 

स्वामी गजानन साई 

दीप आवडी सजले ॥

किती अद्भुत सुंदर 

किती नटला अपार 

दत्त व्यापूनिया जग

प्रभा निघोट निश्चळ ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ 🕉️ .