भेद

भेद

*****

नर नारीत मांडला देह आकार वेगळा

तोच चैतन्य उत्सव भिन्न रूपात नटला ॥१

तिला ठेवले चुलीला तो गेला रे शिकारीला 

पेशी एक एक असे नियमात बांधलेला ॥२

त्याची वाढली ताकत तो रे झाला आक्रमक 

तिचे वाढले कौशल्य तिला सृजनी कौतुक ॥३

मग झाले अवघड मूळ पदाला ते येणे 

तिच्या माथी ये गुलामी तया स्वामीत्व जन्माने॥४

त्याला सापडेना मूळ तिला सापडेना कुळ 

शत सहस्त्र वर्षाचा मग चाले दुष्ट खेळ ॥५

रुप बंधन तिलाच योनी शुचिता वैभव

तो रे उधळे चौखूर नाही धरबंद ठाव ॥६

पाहू जाता पाहतांना ऐश्या निखळ चैतन्या 

दत्त हसला हृदयी शुभ्र मनात चांदण्या ॥७

🌾🌾🌾

© डॉ.विक्रांत प्रभाकर तिकोणे 

kavitesathikavita. .

☘☘☘☘ 🕉️ .