अध्यात्मामध्ये प्रत्येकाची वाट
वेगळी असते युनिक असते.
एकाने असं केले म्हणून जर
दुसरा तसेच करायला गेला तर
तसे कधी होत नाही .
ज्याप्रमाणे आपले गुणसूत्रे
आपला चेहरा आणि हाताचे ठसे
सदैव वेगळे असतात,
तसेच हे मार्ग असतात.
एक सर्वसाधारण रुपरेषा
समान असू शकते जसे की,
सूर्योदय पाहायला जायचे
तर पूर्वेकडे जायचे
उंचावर जायचे वगैरे वगैरे
तद्वत भगवंताजवळ पोहोचायचे
तर सत्वगुण अंगी बाणून
घ्यायचा प्रयत्न करणे .
स्वतःतील अवगुण जमेल
तसे हळूहळू कमी करणे
जमत नसेल तर प्रार्थना करणे,
शरणागती पत्करणे .
नामस्मरण करणे. ध्यानाला बसणे.
एवढेच हाती असते
अंती केवळ कृपाच काम करते.
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️ .
कोणत्याही टिप्पण्‍या नाहीत:
टिप्पणी पोस्ट करा