स्मृती
***
तुझ्या स्मृतीचे तुषार खिळलेल्या मनावर
कोरड्या ऋतूत साऱ्या
हिरवळ देहावर ॥१
आकाशाचे वैर जरी
वाहते प्रारब्ध शिरी
मोजून सुख एकेक
ठेवले भरुनी उरी ॥२
जरी अट्टाहास नाही
पुन्हा चिंब भिजायचा
भरुनिया घेतला मी
स्पर्श तुझ्या असण्याचा ॥३
अस्तित्वा ठाऊक नाही
मुळे किती खोलवर
त्याही पलीकडे कुठे
जीव धावे अनावर ॥४
नसणेही तुझे होते
असणे हे माझ्यासाठी
पानोपानी चित्र तुझे
दिठिविना देखे दिठी ॥५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
