चित्र
****
पुन्हा तुझे चित्र दिसे पानावर पुन्हा एक हास्य आले ओठावर
पुन्हा एक श्वास झाला खालीवर
पुन्हा एक तार तुटे विणेवर
तो ही एक नाद झणाणे कंपण
मनी अचानक आठवले स्वप्न
उगा उगवले तुझे वेडेपण
आकाश झालेले धुंद माझेपण
जाहला हिंदोळा पाण्यात लहर
अदृश्य वलय गेली खोलवर
हिशोबी आठव मग जगताची
अन मोडलेली घडी दो देहाची
अवघे व्याकुळ तरीही सुंदर
उलटले पान पुन्हा पानावर
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा