कुबेरास
******
माझे मज देई तुवा लुटलेले बहु सांभाळले महाधन ॥१
गळ्यात बांधून जगात फिरलो
उशाला निजलो घेऊन जे ॥२
असे बरे नव्हे तुझे हे वागणे
जीव दुखावणे खाष्टपणे ॥३
आहे कमावले आहे जमवले
श्रम जे केले रात्रंदिस ॥४
भक्तीचे भांडार ज्ञानाचे ते कोश
मिळविले खास अभ्यासून ॥५
एकेक रुपया बंदा साठवला
गाठीला मारला निरंतर ॥६
जर तूच चोर होशील रे देवा
तर मग ठेवा कुठे ठेवू ॥७
दे बा लवकरी माझे हे घबाड
सोड रे लबाड चाळा तुझा ॥८
विक्रांत उदास झाला धनावीन
देतसे लोटून कुबेराला ॥९
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्‍या नाहीत:
टिप्पणी पोस्ट करा