उमेश देशपांडे

डॉ.उमेश देशपांडे 

**********

मला वाटते उमेश देशपांडे हे एक नाव नाही

 एक व्यक्ती नाही 

तो एक जीवन जगायचा एटीट्यूड आहे 

जीवन आनंदाने जगायचे 

आणि आपला सभावताल आनंदमय करून टाकायचा .

जीवनाचे ओझे न मानता 

तो एक आनंदाचा प्रवास मानायचा .

हि एक अतिशय दुर्मिळ वृत्ती आहे .

आता जीवन म्हटले की 

सुखदुःख चढउतार हारजीत ही येणारच 

देवालाही ते चुकले नाही 

पण त्या साऱ्यावर वरचढ होत 

आपल्या जगण्याचे सूत्र न विसरता 

आपले सूर न बिघडवता 

जीवन जगत आला आहे उमेश 

उमेश चा स्वभाव मिश्किल हसरा बोलका 

एकूणच हवा हवा वाटणारा 

काटे तर गुलाबालाही असतात 

पण ते थोडेच कोणी पाहतात 

तसे उमेश मधील कुठल्या कमतरता 

आम्हाला दिसल्याच नाहीत 

दिसल्या तरी जाणवल्या नाहीत 

आणि जाणवल्या तरी आम्ही 

त्या पाहिल्याच नाहीत 

कारण आमचे लक्ष गुलाबतील सुगंधाकडे होते 

इथे जमलेले लोक फारच कमी वाटावेत

इतकी मित्र मैत्रिणीची धनदौलत त्यांनी कमावली आहे 

जो मित्र जमवतो तोच खरा श्रीमंत असतो

त्या अर्थाने तो कोट्याधीश आहे 

तो आणखीन एक अर्थाने कोट्याधीश आहे 

त्याला शब्द त्याचा सूक्ष्म अर्थ 

आणि अन्वर्थ याचे सूक्ष्मज्ञान आहे 

त्यामुळे शब्दात वाक्यात तो सहजच कोटी करू शकतो 

आणि असंख्य हास्याचे तुषार 

आपल्या भोवती पसरवत असतो 

तो एक परफेक्ट आणि बिनधास्त डॉक्टर आहे

इतका की केवळ पॅरा सिपियम बीसीवर 

पूर्ण ओपडी चालवू शकतो 

आणि मेंढराच्या कळपातून लांडगा शोधून काढावा 

तसा सिरीयस पेशंट अचूक शोधून काढतो 

त्याचे स्वरावरील आणि गाण्यावरील प्रेमही सर्वश्रुत आहे .

त्याची अनेक गाणीही आपण ऐकली आहेत .

त्याचे सारे जीवनच आनंदाचे गाणे आहे .

माझ्या सर्व मित्रात सर्वात 

सुखी समाधानी आनंदी मित्र कोण असेल 

असे विचारल तर मी उमेश चे नाव घेईल 

तो ते वरदानच घेऊन आला आहे 

ते वरदान त्याच्यावर असेच बरसत राहो

हीच परमेश्वराकडे प्रार्थना 

त्याला उदंड आयुष्य आणि आरोग्य लाभो ही सदिच्छा .

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️