ध्यास
*****
माझ्या जगण्याचे गाणे आहे दत्ताविना उणे ॥१
जाता शोधू मी तयाला
फाटे फुटती पथाला ॥२
गंध दरवळे मनी
वारा जातो सुखावून ॥३
झाड परी रे ते कुठे
मज मुळी न दिसते ॥४
चंद्र चकोर मिलनी
येता मळभ दाटून ॥५
डोळा झरते जीवन
चिंब भिजते हे मन ॥६
चोची टिटवीचे बळ
नाही मोजत रे जळ ॥७
प्राण लागले पणाला
तुझा ध्यास या जीवाला ॥८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा