कवितेसाठी कविता: तुझिया डोळ्यात

शुक्रवार, १२ जानेवारी, २०२४

************

तुझिया डोळ्यात दिसे मज गीत

सुरावते मग माझिया मनात ॥१

शब्द हरवला भाव मनोहर

ऐकू येतो मग कानी हळुवार ॥२

किंचित लाजरा जरा संकोचला

स्पर्श अधीरसा होतो सुखावला ॥३

अमूर्त कविता माझी मी बघता

विसरतो कसा वाहवा म्हणता ॥४

स्तिमित होऊन जग विसरून

गीत पूर्ण होते तिथे हरवून ॥५

कविता जगणे लिहिल्या वाचून

असे काही मग येतसे घडून ॥६

🌾🌾🌾

https://kavitesathikavita.blogspot.com .

☘☘☘☘