गाठ क्रियमानी
**************
कळतात मला तुझे डोळे कळतात अन भाव खुळे
माहीत नसेल तुला सखे
तूच स्वप्न माझ्या मनातले ॥
प्रत्येक हसू तुझ्या ओठातले
बघ या मनी मी जपून ठेवले
आणि तुझे ते प्रत्येक पाहणे
धुंदी जगण्याची देऊन गेले ॥
तसा फारसा हा मोठा नाही
प्रवास तुझा नि माझा बाई
करी बांधाबांध मी सामानाची
मधुर हासून तू निरोप देई ॥
आहे क्रमप्राप्त तुज भेटणेही
परी कधी कुठे ते ठाऊक नाही
कुणा कुणाला कळल्या वाचून
गाठ बांधली क्रियमानी मी ही ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘
कोणत्याही टिप्पण्‍या नाहीत:
टिप्पणी पोस्ट करा