भेट
****
भेटीवीन भेट जीव मिळे जीवा काळजात दिवा
स्नेहमय ll१
शब्दाविण शब्द
उधळती मुक्त जीवनाचे सूक्त
सुखावले ॥२
फुले अंतरात
आनंद मोहर धुंदी वृक्षावर
विलक्षण ॥३
तुझ्या प्रेमाला
ऐसा मी विकलो महाग झालो
स्वतःलाही ॥४
कळली प्रेमाची
किंचितसी रीत स्वानंदाचे गीत
जन्मा आले ॥५
श्वासात यमुना
देही वृंदावन शब्दांचे चंदन
सर्वांगाला ॥६
जहाले जगणे
कृपेचे अंगण सुखे तन मन
स्तब्ध झाले ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘
कोणत्याही टिप्पण्‍या नाहीत:
टिप्पणी पोस्ट करा