******
नसूनही इथे माझे खरेच असणे होते
वाचूनी वदल्या काही
हितगुज होत होते ॥१
तसे मित्र भेटती नि
दुरावती जगतात
परि मैत्र सदैव ते
उरते खोल उरात ॥२
तशीही गरज काही
नव्हतीच भेटण्याची
मने उघडीच होती
सदैव तुझी नि माझी ॥३
भेटू बघ कधीतरी
माय रेवेच्या किनारी
मुक्कामी कुठल्या किंवा
चालताना तीरावरी ॥४
शक्य आहे ओळखू ना
जरी कधीच आपण
तार नर्मदेची उरी
जाईल ती झंकारून ॥५
बस हेच प्रयोजन
असेल या ही भेटीचे
ओठावरती सदैव
यावे नाव नर्मदेचे ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ ,🕉️
कोणत्याही टिप्पण्‍या नाहीत:
टिप्पणी पोस्ट करा