झिला

झिला

*****

फेंदारून मिशा बोले वसा वसा 

जणू काही त्याच्या घरचाच पैसा ॥ १

खरे काय खोटे त्याला न कळते 

पैसा द्या म्हणता डोकंच फिरते ॥ २

तया मिळे बहू सरे ना पगार 

परी जगू दे रे लोका हातावर ॥ ३

तया हाती शिक्का पेन धारधार 

म्हणून करे तो साळसुद वार ॥ ४

देताना चोरांना होतसे उदार 

उपाशी मारतो आणि हक्कदार ॥५

नाव गोड परी तोंड कडवट 

कोयनेल स्त्रवे जणू की मुखात ॥ ६

देई रवळनाथा थोडी बुद्धी याला 

तुझ्याच गावचो असो ना हा झिला ॥ ७

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘