निळी जाहले
**********
प्राण प्राणातले निळे खोल जळात सांडले
होत उर्मी जगण्याची
निळे कमळ फुलले १
लाख मयुरांच्या केका
चित्त बधिर जाहले
एक रव मुरलीचा
शांत करूनिया गेले २
मौन निरोपाचे गूढ
कसे वादळी वाजले
आणाभाकाचे कुणाचे
चित्र चौमेरी सांडले ३
सारे विभ्रम लेवून
कोण जगात सजले
रंग हजार नभात
मूळ रंगात लोपले ४
मग गळली बंधने
मनी शब्दावीन गाणे
निळा पाझर आभाळा
निळी जाहली साजणे ५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘
कोणत्याही टिप्पण्या नाहीत:
टिप्पणी पोस्ट करा