सांभाळ
*******
जन्म तुजलागी दिला ज्ञानराया अन्य कुण्या पाया
पडू आता ॥१
जिथे जातो तिथे देवा तुझे पाय
कानी गुरु माय
मंत्र तुझा ॥२
राम कृष्ण हरी हात खांद्यावरी
चालवले तरी
कळेचिना ॥३
संत मुखातून येत असे कानी
रम्य तुझी वाणी
अविरत ॥४
किती करीसी रे माझ्यासाठी कष्ट
देऊनिया साथ
पदोपदी ॥५
विक्रांत चाकर तुझा सर्वकाळ
देवून सांभाळ
सेवा तुझी ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘
कोणत्याही टिप्पण्या नाहीत:
टिप्पणी पोस्ट करा