कवितेसाठी कविता: तुझ्यात जगणं

बुधवार, १७ जानेवारी, २०२४

***********

जावोत तुटून अवघीच दारं

आणि अडसर दत्तात्रेया ॥१

भिंती पडू देत छत उडू देत

मज येऊ देत तुझ्याकडे ॥२

प्रश्न भरले जे कधी न सुटले

मनात दाटले कोंदाटून ॥३

जावोत सुटून ठिकऱ्या होऊन

तुजला भेटून दत्तनाथा ॥४

रात्रंदिन मग तुझ्यात जगणं

यावे रे घडून अवधुता ॥५

नकोच काही मजला अजून

तुझिया वाचून या जगाती ॥६

माझ्या स्वप्नात जाग सुषुप्तीत

रहा उमटत तूच फक्त ॥७

🌾🌾🌾

https://kavitesathikavita.blogspot.com .

☘☘☘☘