निरोपाचे गाणे
***********
घेताना निरोप सुटतात हात ओढ विलक्षण जागे अंतरात ॥
सुटता सुटता दृढ होते गाठ
उसळते लाट पुन्हा हृदयात ॥
पुन्हा गळा भेट मिठी होते घट्ट
पुन्हा कढ येतो डोळीयात दाट ॥
श्वासात वादळ पुन्हा उसळते
उरी धडाडणे कानावर येते ॥
नको ना जावूस बोलतात डोळे
परी रीवाजात उगा हात हाले ॥
ऐसे निरोपात जन्मा येते गाणे
अन् खोल होते प्रेमाचे रुजणे ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘
कोणत्याही टिप्पण्या नाहीत:
टिप्पणी पोस्ट करा