शोध

शोध

****"

माझ्यावाचून माझा मी मला कसा येईल कळुनी 

रे पहिल्या पाऊलात का कुणा देव जाईल मिळूनी 

खण खण खण खोलवर ओल लागेल तोवर 

एका जागी जोर धर माती उकर रे भरभर 

खात्री नसेल नसू दे रे वेळ जाईल जाऊ दे रे

संतांच्या त्या शब्दावरती पण विश्वास राहू दे रे

नाम घे नाम घे अन् ध्यानासाठी वेळ दे 

पूजा कर भक्ती कर शुद्धीसाठी कळ घे 

वाचलेले सारे सरू दे कळलेले आत वळू दे 

व्यर्थ येथे काही नसते फक्त जीव तळमळू दे 

गादीवर लोळतवाचत देव कुणा मिळत नाही 

व्यंजनात रमता गमता देव कुणा कळत नाही 

घरदार सोडून सारे इथे नग्न व्हावे लागते  रे

नि तलवारीच्या धारेवरती चालावे ते लागते रे

तेव्हा कळते तेव्हा वळते बाकी खाज बुद्धीची रे

कुणाकुणा कधी सुटते नि खाजवता जिरून जाते

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ ,🕉️