असणे

असणे

******

संतृप्त स्तब्ध मनाचे

आकाश विरक्त होते 

वितळून मेघ सारे 

अस्तित्वही शून्य होते 

उरात न मावणारी 

अफाट पोकळी होती 

असणे कुठे कणाचे 

कोणास ठाव नव्हते 

नसण्यात निजलेले 

जग अधांतरी होते  

परी स्पंदनात काही 

चैतन्य दडले होते

नयनात प्रकाशाचे 

सागर भरले होते 

उगम सर्व नादांचे

कर्ण युगलीच होते 

मी सांगू कुणास काय 

शब्दास रूप नव्हते 

वाहून दश दिशात 

असणे अनादी होते

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ ,🕉️