प्रवास

प्रवास

******

हसणे रडणे खेळणे पडणे 

भिणे भिवविणे घडे नित्य ॥१

घडते म्हणून तेही घडू द्यावे 

रंगले दिसावे तयामध्ये ॥२

झेलावे प्रारब्ध देह मनावर 

जैसे हवेवर व्यर्थ वार ॥३

देह दुःख दैन्य मनाचे मालीन्य 

भोगल्या वाचून भोगू जावे ॥४

उपसावे पाणी जैसे चाचूवेरी

 बसून सागरी किनाऱ्याला ॥५

याहून वेगळे नसते साधन

सुटण्या कारण घडे काही ॥६

विक्रांत प्रवास असे फक्त भास

कळता जीवास भ्रांती नाही ॥७

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ ,🕉️