वाहता वाहता
***********
कळल्या वाचून चाललो गर्दीत सुखाच्या धुंदीत
रात्रंदिन ॥१
यशाच्या खाईत नशेच्या राईत
जन्म सराईत
वाहणारा ॥२
वाहता वाहता कळली व्यर्थता
खुंटूनिया वाटा
थांबलो मी ॥३
मग दूर गेले साथी जमलेले
हाती धरलेले
सुख यंत्रे ॥४
पुन्हा उगमाचा ध्यास जीवनाचा
क्षण जगण्याचा
उगवला ॥५
विक्रांत पाहतो मागे वळुनिया
खुणा मिटलेल्या
पावुलांच्या ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ ,🕉️
कोणत्याही टिप्पण्या नाहीत:
टिप्पणी पोस्ट करा