वर्तुळ

वर्तुळ

*****

जाहले वर्तुळ आलो जागेवर 

कळे व्यासावर फिरणे ते ॥१

झाली धावपळ घालविला काळ 

जाणले सकळ एक मूळ ॥२

तोच केंद्रबिंदू अनादी अनंत 

दडला शून्यात निरालंबी ॥३

सुटली ना त्रिज्या हेही कमी नसे 

पुसले ना ठसे पाऊलांचे  ॥४

तुटली ना नाळ पतंग दोरीचा 

कृपाळू हाताचा भाग्यवान ॥५

आता जाणिवेत स्वरूपाचे सूत्र 

भरला सर्वत्र सोहंध्वनी ॥६

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ ,🕉️