व्यापून
*****
आज तू व्यापून मनास
आषाढीच्या नभागत
तेच आभाळ स्मृतीचे
घेवून साऱ्या अवकाशात
डोळे मिटता तुच चित्रात
उघड्या डोळी तूच चित्तात
आज कळेना काय जाहले
उधाण भरले जणू शिडात
तुझे बोलणे तुझे पाहणे
ते क्षण झरत्या पाण्यागत
तुझे हसणे तुझे रुसणे
रुंजी घालतात मनात
किती दिन सरले मिटले
जणू कालच सारे घडले
त्या हळुवार बंधनांनी
जन्म जीवनास ओलांडले
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
