तुझ्यासाठी
*********
माझ्या मध्ये झंकारते
तुझे शब्द तुझे हास्य
कणोकणी खळाळते
तुझी साद वेडी खुळी
मज पुन्हा बोलावते
किनाऱ्याला लाट लाट
पुन्हा पुन्हा आदळते
आकाशात विखुरले
रंग माझे स्वप्न होते
पाण्यावर परावर्ती
रूप तुझे त्यात येते
जगण्याला जीवनाची
लसलस डिरी येते
धमन्यात निजलेले
प्राण पुन्हा जागे होते
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा