स्पष्ट सूचना

स्पष्ट सूचना

******

मागील सूचना सटीक होत्या 

आताही तशाच आहेत .

पुढील सूचना वेगळ्या शब्दात

पण त्याच राहणार आहेत .

कारण सूचनांना आकृतीबंध नसतात

सूचना अवलंबून असतात 

देणाऱ्याच्या मनस्थितीवर

आणि उद्भवणाऱ्या परिस्थितीवर

वस्तुस्थितीचे आणि त्याचे

काही संबंध नसतात .

सर्व सुचनेचे ध्येय एकच असते

संसार चालवायचा कमीत कमी खर्चात 

फाटके तुटके घालू नका 

पण नवीन मात्र घेऊ नका

शिळे पाके खाऊ नका

पण ताजे आणून जेऊ नका

नोकर चाकर ठेऊ नका 

घर खराब होऊ देऊ नका

थोडक्यात

लग्न काही करू नका 

बायको घरी आणू नका 

पोरे होऊ देऊ नका

पण संसार मात्र टाकू नका

तुम्हीच जा बाजारात 

तुम्हीच स्वयंपाक करा 

भांडीकुंडी साफ करा 

झाडू पोछा सारा मारा

आणि रात्री छताकडे 

पाहत पाहत डोळे मिटा .

सूचना तशा स्पष्ट आहेत

दोन ओळीतील रिकाम्या जागेत

स्पष्टपणे दिलेल्या आहेत .

जे वाचतील त्याला कळतील 

बाकी सारे बोंबलत बसतील

अन पुन्हा पुन्हा सूचनाचे 

डोंगर  मात्र उपशीत राहतील

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ 🕉️