कवितेसाठी कविता: कर्ज

शुक्रवार, १२ जुलै, २०२४

****

जीवनाचे ऋण कधी हे फिटेन

मुक्त मी होऊन जाईन रे? ॥१ .

थोडी कर्जमाफी मिळावी म्हणतो

गाऱ्हाणे घालतो सावकारा ॥२

पण तिथे नाही दया माया काही

फेडीत मी राही पापपुण्या ॥३

दत्ता तुच माझा तारणहार

घेई कारभार तुझ्या करी ॥४

दत्ता घेई कर्ज वळते करून

घेई वाढवून व्याज दर ॥५

फेडीत राहीन जन्म मी वाहीन

तुजला नाणिन बट्टा कधी ॥६

मज कमावण्या भक्ती धन साठा

देई दारवठा काम तुझ्या ॥७

इतुके मागणे मागतो विक्रांत

तुझ्या दारात जन्म जावो ॥८

🌾🌾🌾

https://kavitesathikavita.blogspot.com .

☘☘☘☘ 🕉️