पालखी
******
पालखी हालते पालखी डोलतेभजन चालते विठोबाचे ॥१
राम कृष्ण हरी घोष निनादतो
टाळ दणाणतो भाविकांचा ॥२
ज्ञानोबा तुकोबा मृदुंग बोलतो
हात कडाडतो वैष्णवांचा ॥३
पाऊल पडते रिंगण चालते
चित्त हरपते नाद लयी ॥४
पालखीत माय कौतुके पाहते
प्रेम उधळते मायातीत ॥५
पाहता काळीज प्रेमे धडाडते
डोळ्यात लोटते महासुख ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा