दत्त पहारा

दत्त पहारा
********
दत्त पहारा माझ्यात 
जन्म त्याचिया हातात 
नच सोडे क्षणभर 
मज जनात मनात ॥
 त्याचा होकार नकार 
कधी नसतो शब्दात
 त्याची आवड निवड 
कधी नसते कशात ॥
 घडे जे काही आत
फक्त राहतो पाहत 
कृती घडता नडता
 मन पालटे क्षणात ॥
 नाही चुकवत भोग 
नच ओढूनिया घेत 
सारे व्यापूनिया व्यक्त 
सवे साले प्रारब्धात ॥
त्याचे स्मरण मनात 
साता जन्मांचे पुण्य 
त्याची जाणवते खूण 
मज नको काही अन्य ॥

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  .
☘☘☘☘ 🕉️